Royal Greenlandip qullersaqarfia AU IHM-imi ilinniartunik ilinniartussarsiorpoq (Dansk længere nede)
Royal Greenland Kalaallillu Nunaannut naleqalersitseqataagit
Greenland Business Schoolimi Nunani tamalaani niuerneq nittarsaassinerlu pillugit qaffasissumik ilinniarnissamut akuerineqarsimavit suliffimmillu misiliiffissamik ujaasivit?
Royal Greenland Nuummi qullersaqarfitsinnut AU IHM-imimi tunniusimasunik pingasunik ilinniartussarsiorpoq.
Ilinniartutut qitiusumik immikkoortortat pingasut misiliiffigissavatit: Nunatsinni tunisassianik tuniniaavik, Attaveqatigiinnermut immikkoortortaq Nittarsaassinermullu immikkoortortaq.
Nunatsinni tunisassianik tuniniaavik tuniniaanermut immikkoortortaqarfigaarput, niuerfimmi inissisimaffipput attatiinnarniarlugu tassani tuniniaanermi suleriaatsit, pisisartunik akuutitsineq periaatsillu paasisaqarfigissavatit. Suliffeqarfimmiit atuisumut atassuteqarnerit pillugit pisinnaasavit ineriartortinnissaannut tunisassiattalu tunisassiarineqarneranniit pisisartut nerriviannut pinissaata tungaanut tunisassiat ingerlarngi paasisaqarfiginissaannut tamanna periarfissatsialaavoq.
Attaveqatigiinnermut immikkoortortami suliffeqarfiup attaveqartarneranut tunngasut assigiinngitsut paasisaqarfigiumaarpatit. Suliffeqarfiup iluani attaveqatigiinnermut tunngasuni suliffeqarfimmi kulturitsinnik nukittorsaanissarput suliffiullu avataanut nukittuumik assigiimmillu periuseqarluni oqaluttuartarnissaq maani sulissutigisarpavut.
Nittarsaassinermut immikkoortortami nittartaassinermi periaatsit paasititsiniaanerullu ineriartortinnerannut peqataassaatit, tassani pisinnaasatit misilittarsinnaavatit. Sunniuteqarnerpaamik iliuuseqarnissaq anguniarlugu Royal Greenlandip meqqitut ilisarnaataata pingaaruteqassusaa nittarsaassinermilu sakkut assigiinngitsut atorlugit qanoq susassaqarfiit aalajangersimasut assigiinngitsut siunnerfigineqartarnerat pillugit paasisaqassaatit.
Taamaammat immikkoortortaqarfinni assigiinngitsuni misiliinikkut tamakkiisumik isiginninneq eqqarsaatigalugu niuernerput paasisaqarfigissavat, aamma Kalaallit Nunaanni ingerlatavut aqqutigalugit inuiaqatigiinni naleqalersitseqataassaatit.
Aallartinninni tunisassiorfimmiillutillu saaffiginnittarfimmiissaatit, taamaalillutit suliffeqarfik pillugu siammasissumik ilikkagaqassallutit.
Illit tunuliaqutat
Piumasaqaatit naammassivatit AU-milu ilinnialernissannut akuerineqarsimallutit.
Ammasuuvutit, ujartuisuuvutit inunnillu assigiinngitsunik suleqateqarnissat nuannaralugu.
Ulluinnarni suliarisartakkat suliassallu assigiinngiiaartut suliarissallugit ajornaquteqartinngilat.
Pingaarnertut ilinniakkannik naammassinninnissannut inuiaqatigiinnullu naleqalersitseqataanissannut piumassuseqarputit.
Tuluttut oqalunnikkut allannikkullu attaveqateqarsinnaasutit naatsorsuutigaarput, tassami sulinitta ilarujussuani nunani tamalaani suleqativut/pisisartuvut/pisiortortarfivut suleqatigisarpavut.
Neqeroorutigaavut
·Nunatsinni suliffeqarfimmi annersaanni ilinniagaq soqutiginartoq
·Suliffeqarfissuaq nunani tamalaani immikkoortortalik pillugu ilisimasaqalerneq
·Suliffeqarfik ilinniarnermik ineriartornermillu aallussisoq
·Ilinniarneq tamakkerlugu tamakkiisumik ilinniartutut aningaasarsiaqarneq
·Ilinniartunut naleqqulluartumik kantiinami pitsaasumik nerisaqartitsineq ullaakkorsiornertalik ullup qeqqasiornertalillu
·Immikkoortortani arlalinni suliffimmik misiliineq, tassunga ilanngullugu nunani allani suliffimmi misiliineq, pisariaqarpat ajornanngippallu
·Suliffik nuannersorujussuaq suleqatillu ataqatigiilluartut
Atorfik pillugu sukumiinerusumik paasisaqarusukkuit, immikkoortortaqarfiit mailimut ilinniartoq@royalgreenland.com-imut oqarasuaammulluunniit +299 361300-imut attaviginissaannut tikilluaqqusaavutit.
Attaveqarfissaq: Tuniniaanermi ingerlatsisoq Arne Petersen arlp@royalgreenland.com-imut, +299 36 17 21-imut imaluunniit Ilinniartoqarnermut siunnersorti Tanja Knudsen takn@royalgreenland.com-imut.
Ilinniarnerit pillugit paasissutissanut tunngasut GBS-ip nittartagaanut innersuussutigineqarput https://gbs.gl/
Qinnuteqarnissamut killissarititaasoq: maajip 31.-at, 2025
