Logistik AU-ILT-miik ilinniartussarsiorpoq

Royal Greenland qullersaqarfimmi AU International Transport Logistik ilinniartussarsiorpoq

Royal Greenlandimut nunatsinnullu naleqalersitseqataagit


GBS-mi qaffasinnerusumik ilisimatusartussanngorlutit suliffimmik misiliiffissarsiorpit?

 

Assartugalerinermut immikkoortortami Nunat tamalaat akornanni angallassineq aamma ataqatigiissitsineq pillugu ilinniartussarsiorpugut.


Royal Greenlandip qullersaqarfia Nuummiittoq Laboratooriat qullersaqarfiat ilanngullugu 100-it missaannik sulisoqarpoq.


AU-tut ilinniagaqartunik ilinniartuuteqarneq misilittagaqarfigilluaratsigu ilinniartuutitta suliffimmik misiliinissaat pillugu aaqqissuussinikuuvugut. Ilinniartut immikkoortortani assigiinngitsuni sulillutik misiliisinnaapput, suliffeqarfimmilu suliarineqartartut siammasissumik ilisimasaqarfigilerniassagamikkut suliffimmik misiliinerit ilaanni aamma tunisassiorfimmiissinnaapput.
Ilinniartuutitta AU-mik ingerlataqartut 65 %-ii ilinniakkaminnik naammassimmata atorfinitsinnikuuagut.

AU-tut ilinniakkani pingasuusuni AU-tut ilinniartut qulit maanna ilinniartuutigaagut


Neqeroorutigaagut


·Nunatsinni suliffeqarfiit annersaanni ilinniagaq soqutiginartoq

·Suliffeqarfissuaq nunani tamalaani immikkoortortalik pillugu ilisimasaqalerneq

·Suliffeqarfik ilinniartitsinermik siuarsaanermillu ukkataqartoq

·Ilinniarnermi ukiup aappassaani tamakkiisumik ilinniartutut aningaasarsiaqarneq (atuagarsorneq ilanngullugu)

·Immikkoortortani naleqquttuni aamma nunani allani suliffimmik misiliinissamut periarfissaq

·Suliffik nuannersoq suleqatillu ataqatigiittut


Atorfiit pillugit paasisaqarnerorusukkuit immikkoortortat mailimut ilinniartoq@royalgreenland.com-imut allallutit imaluunniit oqarasuaammut +299 36 1300-imut sianerlutit saaffiginninnissannut tikilluaqqusaavutit.

Saaffissaq: Ilinniartitaanermut siunnersorti Tanja Knudsen imlt. Arsartugalerinermi pisortaq Ane Lynge anly@royalgreenland.com.


Ilinniakkat pillugit paasissutissat GBS-ip nittartagaani takuneqarsinnaapput: https://gbs.gl/


Qinnuteqarfissaq kingulleq:

31. maj 2025

Qinnuteqaatit nittartakkatsinni tuugassaq aqqutigalugu (e-mailikkuunngitsoq) nassiunneqassapput.


Assartugalerineq immikkoortortaq pillugu ataani paasisaqarnerugit


Assartugalerinermut immikkoortortaq nunatsinniittoq AU-tut ilinniartoq ataaseq ilanngullugu sisamanik sulisoqarpoq, immikkoortortallu suliffeqarfiup tunisassiaataanik illoqarfinni nunaqarfinnilu, kiisalu kilisaatini tunisassiorfinneersunik tunitsivinneersunillu sukkasuumik naleqquttumillu nassiussuineq akisussaaffigaa.


Suliat

·Nassiussanik ataqatigiissaarineq (tunisassiorfik/kilisaat – RAL)

·Inniminniineq (RAL-ip qarasaasiatigut atortua)

·Kilisaatit pisaannik nalunaarsuineq/naligiissaarineq

·Avammut nassiussassat pillugit allagartanik sananeq

·Eqqussanik nalunaarsuineq

·Tunisassiorfinnik ikorfartuineq

·Oqartussanut attaveqarneq (Avammut nassiussinissamut akuersissutit il.il.)

·Suliassat assigiinngitsut


Kingusinnerpaamik qinnuteqarfissaq kingulleq qaangiussimalerpat qinnuteqartut naleqquttut apeqquteqarsinnaanissaminnut periarfissinneqarlutik immikkoortortat pillugit saqqummiiffigineqarnissamimmut aggersarneqassapput.


Ilisimaviuk…

Royal Greenland nunatsinni 1.400-it sinnerlugit sulisoqarmat.

Suliffeqarfissuarmi tamarmi nunatsinni, Danmarkimi, Canadami, USA-mi, Sverigemi, Norgemi, Finlandimi, Tuluit Nunaanni, Tysklandimi, Frankrigimi, Italiami, Spaniami, Portugalimi, Kinami aamma Japanimi immikkoortortaqartumi 2.000-it sinnerlugit sulisoqartoq.


Qinnuteqarnissamut killissarititaasoq: maajip 31.-at, 2025

Royal Greenland Logo

Royal Greenland er en af de førende koncerner inden for fisk og skaldyr i Europa. Som en global udbyder har Royal Greenland erfaring i innovativ produktudvikling og effektiv distribution af kvalitetsprodukter. Royal Greenland er en virksomhed med dybe rødder i den grønlandske kultur. Vi har ca. 2300 ansatte inden for fiskeri, produktion og salg af højkvalitets-seafoodprodukter til verdensmarkedet. Koncernen råder over egen trawlerflåde samt topmoderne fabrikker i Grønland, Norge, Tyskland, Canada og Chile.

Vi glæder os til at modtage din ansøgning

Har du lysten og kompetencerne, så send os hurtigst muligt din ansøgning og dit CV. Vi indkalder løbende til samtale og ansætter så snart vi har den rette ansøger.