Global HR-imut ineriartortitsinermut pisortaq (Head of Global HR Development)
HR-ip siunissaa ilusilersueqataaffiginissaa soqutigaajuk? -Suliffeqarfimmi nunarsuarmi tamarmi suliaqartumi, Kalaallit Nunaanni tunngaveqartumi ineriartortitseqataaffigalugu.
Kulturit, suliffeqarfiit, inuillu akornanni ineriartortitsineq aqqutigalugu suliniuteqarsinnaavit?
HR-ikkut suliniutinik allanngueqataasinnaasunik pilersitsinissaq, aqutsisunik ineriartortitsineq, talentinik aqutsineq, inuttut pitsaasumik atugaqarneq kiisalu suliffeqarfiup ineriartortinneqarnera pillugit suliaqarnissamut kajumissuseqarpit? Suliffeqarfimmi aqutsisunik qanittumik suleqateqarnissamut sunniuteqarnermillu misilittagaqarpit?
Takorloorpiuk periuusissatigut sunniuteqarsinnaallutit aammalu angusanik ersarissunik pilersitsisinnaallutit?
Taava periarfissaq immikkut ittoq una ilinnut tulluarsinnaavoq.
Atorfik pingaarutilik nunarsuarmi akisussaaffilik
Royal Greenlandimi inuiaqatigiinnut qanittumik attuumassuteqarpugut, aammalu Kalaallit Nunaanni suliffissaqartitsineq ilinniartitaanerlu pillugit akisussaaffeqarpugut. Tamanna HR-imut tunngatillugu sulinitsinni erserpoq, tassanilu suliffeqarfiup nukittorsarnissaa, inuiaqatigiillu iluaqutissarsitinneqarnissaat siunertaralugu, suliniutinik ineriartortitsinermi pingaarutilimmik inissisimalissaatit – nunatsinni aammalu nunarsuaq tamakkerlugu.
Head of Global HR Development-itut Royal Greenlandip immikkoortortaqarfiini Kalaallit Nunaanni, Europami kiisalu Nordamerika-mi suliffeqarfiini HR-imut ineriartortitsinermik ataatsimut ingerlatsinissaq akisussaaffigissavat.
HR-imi aqutsisut akornanni ilaassaatit, EVP HR & Communication-imut toqqaannartumik nalunaaruteqartassallutit. Tamatuma saniatigut suleqatigiit tallimaasut assigiinngitsutigut immikkut ilisimasallit aqunnissaat akisussaaffigissavat.
Atorfik Nuummi, Royal Greenlandip qullersaqarfiani inissisimavoq.
Suliassatit pingaarnertut inissisimasut makkuupput:
- Ataatsimut aqutsisunik ineriartortitsineq
- Talentinik ineriartortitsineq kingoraartissanillu pilersaarusiorneq
- Ilinniarneq ineriartortitsinerlu
- Sulisunik atugarisaanik misissuisarneq malitseqartitsisarnerlu
- Sulisunut anguniagassanik ineriartortitsinermillu ingerlatsinerit
- Ilinniartitaaneq pillugu suliniutit
- Suliffimmi avatangiisit isumannaatsuunissaat
- HR-imut programminik atortussanillu ineriartortitsineq
- Suliffeqarfiup strategianik pingaarnertigut ineriartortitsinermik tapersersuineq HR aqqutigalugu
HR Operations aamma HR Business Partnering qanimut suleqatigiumaarpatit qulakkeerniarlugu, suliat naleqartitsilluarnissaai suliffeqarfiup iluani.
Illit Kinaavit?
Ilinnut naatsorsuutigut:
- HR-ip iluani imaluunniit organisationip ineriartortinneqarnerani misilittagaqartutit
- Suliffeqarfinni angisuuni pisariusunilu HR-imik ineriatortitsinermut suliniutinik aqutsinermik misilittagaqarputit
- Strategiskimik pilersaarusiornikkut ingerlatsinikkullu nukittooq
- Immikkut ilisimasalinnik imaluunniit HR-imi suleqatigiit aqutsinermik misilittagaqartutit
- Kulturinik assigiinngitsut akornanni ingerlaarsinnaassuseqartutit
- Aaqqissuussamik sulisarputit, suleqatigiinneq nukittorsartarlugua aammalu suliassat suliniutillu siuariartornissaat qulakkeertarlugu
- Aqutsisut qullersaasa suleqatigalugit sulisinnaasutit maligassiuisinnaallutillu
- Ilinniagaqarnikkut attuumassuteqartumik tunuliaqutaqartutit, soorlu uku iluni: HR, attaveqaqatigiinneq, suliffeqarfiup aaqqissuussaaneranik ineriartortitsineq iluani il.il.
- Royal Greenland iluani kalaallisut, danskisut, tuluttut oqaatsit allallu atorneqartarput. Oqaatsinullu piginnaasaqarluarnissat kissaataavoq
Uagut neqeroorutigaagut:
- Royal Greenlandimi suliffeqarfimmi Kalaallit Nunaanni tunngaveqartumi nunarsuarmilu ingerlatsiviusumi suliffissaqartinneqassaatit.
- Atorfik pingaaruteqartoq sunniuteqarfiulluartoq
- Suliffeqarfiup iluani piginnaasanik ineriartortitsinermik sunniuteqarnissamut periarfissaqarluartoq
- Kalaallit Nunaanni nunanilu tamalaani suliffigisaq, pisariusunik suliassaqartoq angusaqarusussuseqartorlu
- Suleqatit piginnaaneqarluartut kiisalu suliffeqarfiup iluani aqutsisut assigiinngitsut qanittumik suleqatigalugit
Alloriarneq tulliusoq piareersimaffigiviuk?
Atorfik soqutiginartikkukku tusarfiginissat qilanaaraarput.
Atorfik soqutiginartikkukku imalunuunniit apeqqutissaqassaguit tikilluaqqusaavutit attaviginissatsinnut. Attavigineqarsinnaavoq: EVP, HR & Communication, Bodil Marie Damgaard, bomd@royalgreenland.com, +299 560644
Qinnuteqaatit mailikkut nassiunneqartut isiginiarneqassanngillat/nalilersorneqarnavianngillat.
Qinnuteqarnissamut killissarititaasoq: juulip 15.-at, 2026
